Binnekamer
Wêreldvrede
Die nuus is slegte nuus en die slegste is die verlies aan lewens:
Die wêreld het die 6de Junie DD-Dag 1944’ onthou en enkele oorlewende soldate is vereer. Na raming het 4 500 geallieerde soldate daardie dag aan die kus van Normandië gesneuwel en 9 000 Duitse soldate.
Die prys van die 2de Wêreldoorlog was die verlies van 75 miljoen mense, waarvan 40 000 burgers was.
In Gaza is 34 000 Palestyne reeds dood en 1 200 Israelies.
In die Oekraine is 500 000 reeds dood sedert die Russiese inval in Februarie 2022.
Hoe bereken jy so ʼn verlies ..?
Maar, het jy al ooit aan God se verliese gedink?
Gesinne se verlies is óók God se verlies. Die dood beroof God van Sy heel kosbaarste.
Dit is die rede waarom God vir ons die 6de Gebod gegee het – Jy mag nie doodslaan nie ”. Elkeen van ons is geskape deur God, en na die beeld van God. God het elkeen van ons só lief dat Jesus vir elkeen van ons persoonlik gesterf het – sonder uitsondering.
En wanneer ʼn lewe geneem word, word God beroof van Sy unieke en onvervangbare beeld. Daar is nie nog iemand soos hy/sy nie. Die dood beroof ook elke kind van God van die lewe en drome wat God vir Sy kind uitgesit het. Die dood beroof selfs die grootste sondaar van God se heilsplan en van die evangelie.
En daarom is enige oorlog wat aangedryf word deur ʼn magshonger of uit haat, niks minder as ʼn massale moord nie.
Kyk weer nuus en dink ook aan God se verlies. Dink maar aan die dag toe Jesus van die kruis geroep het: My God, My God, waarom het U my verlaat ”. Daarom die duisternis. God moes ook die moord op Sy eie Seun verwerk. In daardie uur is God van Sy Seun beroof.
Na die 1ste Wêreldoorlog verskyn ʼn brief in ʼn koerant:
“6 miljoen jong mans lê in ʼn graf. En 4 seniele ou mans sit nou in Parys om ʼn tafel besig om die wêreld te verdeel ”.
Anders gestel:
“Een moord maak van jou ʼn moordenaar. Miljoene moorde maak van jou ʼn volksheld
