Ek wil soos Jesus lyk!
Aan die begin van 'n nuwe jaar het 'n mens gewoonlik 'n klompie voornemens of drome (ideale) vir die nuwe jaar. Ek dink, hier aan die begin van die nuwe jaar, wil ons almal gewig verloor, meer oefen, meer tyd met ons gesinne spandeer, nuwe stokperdjies aanleer, gesonder leef, en nog baie meer. Die uitdaging is nou om die bul by die horings te pak en hierdie dinge te begin doen. Ek en Tersia sê altyd vir mekaar dat die moeilikste deel van hardloop is om op te staan en jou tekkies aan te trek. Drome moet oorgaan in aksie – dis die moeilike deel.
Ek wonder altyd wat die Here se droom of drome vir ons is. Ek glo Hy het 'n ander droom vir elkeen van ons se lewe – soms neem dit 'n leeftyd om dit uit te vind. Maar as ek die Bybel reg verstaan, is daar 'n droom wat Hy oor elkeen van ons droom: dat ons meer en meer soos Hy sal lyk. Daarom sal n goeie droom of ideaal aan ons kant wees, om te sê: Ek wil soos Jesus lyk. Dis groot woorde, en dit maak my effens bang. Maar ek wil waag om dit aan die begin van 2025 te droom.
Ons nooi al ons kinders, tieners, ouers, oupas en oumas uit na ons kinder- en gesinsdiens op 19 Januarie om 9:00 waar ons nadink oor hierdie droom. Ons begin met lof en aanbidding om 8:40, luister na Joos en Cara se poppekaspoppekas-storie, doop 'n klein babatjie, en gesels oor God se droom dat ons meer en meer soos Hy moet wees (Rom 8:29). Na die erediens is daar koffie en koekies in die maalruimte en 'n spesiale (lekker) koek vir al die kinders. Ons nooi jou/julle hartlik uit: kom kuier en aanbid saam met ons.
Groete, Coenie
WEEK VAN GEBED
Ons begin die nuwe jaar met 'n aand van stilword in die Here se teenwoordigheid. Ons bring al ons vreugdes en bekommernisse, ons kinders, ouers, vriende, gemeente en land en kom plaas dit by die Here se voete. Wil jy nie hierdie jaar dit saam met ons kom doen nie? Sondagaand 19 Januarie 18:00 00-19:00 (in die hoofgebou).
In die komende week stuur ons elke dag saam met die dagstukkie ook 'n gebedsbladjie wat deur oom Clifford saamgestel is en waar ons stilstaan by 'n paar gebede wat Jesus self gebid het. Dit sal wonderlik wees as gesinne net vir hierdie een week saam daardeur kan lees. Kies 'n tyd, vroeg-oggend voor skool of vanaand voordat almal gaan slaap waar pappa of mamma dit vir die hele gesin lees en julle saam bid. 'n Groepie vriende of 'n selgroep kan dit ook saam doen. Indien jy alleen is of voel om dit alleen te doen, is jy ook welkom om dit so te doen. Kom ons begin die jaar in toewyding en gebed. - Coenie
Voorbidding vir siekes en gemeenskap
Opregte dank vir almal wat intree, dit word opreg waardeer.
Ons dra die volgende persone aan die Here op: Ananda Burger, Frieda Norten, Miranda Hermanson, Josh Smit, Niel le Roux, Lisa Kriel, George Muntingh, Elizabeth Veitch, Aubrie Bronkhorst, Johan Lodewyks, Theo Pegel en André Alberts.
Ons bid ook vir al die matrieks wat klaar gemaak het, om hulle roeping in die lewe te vind waar die Here hulle wil stuur en gebruik. So bid ons ook vir die nuwe skooljaar vir al die onderwysers, kinders en ouers om te onderskei wat regtig saak maak vir die kinders se toekoms en nie deur kompetisie gedryf te word nie.
Ons bid ook vir Yaché Calitz vir wie ons onder-steun om haar diensjaar by JAM te gaan doen saam met Rico Roos wat reeds ‘n sendeling daar is. Albei is jongmense uit ons gemeente wat die Here se roepstem so gehoorsaam.
Laastens vra ons voorbidding vir pleegouers vir ‘n 16-jarige dogter uit ons gemeenskap. Indien u die Heilige Gees se stem in hierdie verband hoor, kan u my asb. kontak.
Mag 2025 ‘n jaar wees waarin ons as gemeente die Here se stem duidelik hoor en gehoorsaam sodat Hy in alles verheerlik sal word en ons sal groei en verdiep.
Michiel (namens die Leraars)
GROOT LYDENSWEEK EN STASIES VAN DIE KRUIS
13 – 20 APRIL 2025
Ons leraars het met ons beplanning gevoel dat die Here ons lei om met die Groot Lydensweek vanjaar die stasies van die Kruis te doen. Dit behels 9 stasies waar mense as’t ware op Jesus se voetspore kan loop en stilword, selfondersoek doen en die dieper betekenis van die Lydensweg van Jesus beleef. Gesinne kan dit ook saam
doen en so hulle kinders op ‘n visuele ma-nier blootstel aan wat Jesus vir ons gedoen het.
Ons benodig asb. 9 kleingroepe wat elk vir ‘n stasie se uitbeelding verantwoordelikheid sal neem.
Ons nooi julle of verteenwoordigers van julle groep om Dinsdagaand, 21 Januarie om 18:00 die inligtingsvergadering by die kerk te kom bywoon. Hoewel ons riglyne vir elke stasie sal verskaf word inisiatief ook verwelkom.
Ons benodig ook persone wat tydens die uitbeelding van die stasies ( 14 tot 16 April ) by die kerk kan diens doen.
U is welkom om my of enige van die leraars te kontak.
Michiel
Basaar 22 Maart 2025
Adri van der Bank en sy span is reeds aan die werfskaf agter die skerms om die 2025 basaar weereens ‘n groot sukses te maak. Ons is saam opgewonde daar-oor!
Een van die groot lekkertes van ‘n basaar is die span-werk, die nuwe vriendskappe en die heerlike lag in die dae voor die tyd. Raak deel hiervan, steek jou hand op en raak betrokke by enigiets van koekies bak, deeg aanmaak, die poedingtafel en soveel meer! Meer in-ligting sal volg.
NUWE JAAR Ons eerste Hartklop vir 2025! Die nuwe jaar het saggies maar seker aangebreek. Mag die nuwe jaar vir ons elkeen ‘n jaar wees van voorspoed en seën uit die Here se hand. Mag jy groei in jou verhouding met die Here en Hom elke dag beter leer ken. Ons wil graag in hierdie jaar ook as gemeente ‘n verskil maak vir die Here se kon-inkryk. Skakel asseblief getrou in, woon die eredienste by, skakel in by ‘n selgroep, word deel van ‘n be-dienieng, wees ‘n student van die Woord en ‘n getroue voorbidder. Geseënde 2025!
Missionêre Gemeentewees
Fietsry en Uitreik geleentheid Senegal
Ons vertrek 21 Januarie 2025 (dit is in n paar dae) na Dakar Senegal vir n Fietsry en Uitreik geleentheid . Ons gaan +- 700 km in 10 dae ry en by baie gemeenskappe bly in tente. Ons hoofdoel is om die Evangelie aan die onbereiktes te bring en dissipel opleiding te doen. Ons is 12 fietsryers en 6 ondersteuning mense. 3 van Suid Afrika.
Ons benodig nog ± R18,000 vir Fietsry en T-Hemde, Audio Bybels en ondersteuning van n Zambiër wat in Senegal bediening doen.
Vir bydra : OM South Africa, Standard Bank, Rek 331947331
Hatfield 051001 Verwysing: Sportslink International Senegal
Outreach and Cycling : PR PR-880880-CYCSEN
of Chris Welman ABSA 2890 9602 54
Vir Gebed skakel in by https://chat.whatsapp.com/
B873tRwzD545dKvudSvdtI
Dankie Chris Welman
0818527111
