Daar kom ‘n tyd in die samelewing waar daar ‘n soeke ontstaan na ‘n waarde waarna almal smag. In Luther se tyd was daar ‘n soeke na vryheid van oordeel en skuld. Mense was oor-laai met skuldgevoelens en moes baie betaal om daarvan vry te kom.

Maarten Luther het met die vraag geworstel: Waar vind ek ‘n genadige God? Hy het dit gevind in Jesus Christus as Verlosser. Vandag leef ons steeds met dankbaarheid uit die ge-nade van die God wat Luther ontdek het en met die Hervorming bevestig is.

In ons huidige stukkie geskiedenis kom daar ‘n ander vraag na vore. In ‘n wêreld van leuens, omkopery en bedrog vra ons die vraag:

Waar vind ek ‘n betroubare God? Ons tyd word gekenmerk deur ontnugtering: Onbetroubare leiers, korrupsie, sedeloosheid, wetteloosheid. Ons is ontnugter deur rolmodelle en gesag-strukture. Alles is op losse skroewe en die reg word verdraai.

Ons dink dus Sondag na oor Miga se stryd om reg en betroubaarheid te vind. Ons lees in Mi-ga 6:8 die bekende woorde: "Mens, die Here het jou bekend gemaak wat goed is: Hy vra van jou dat jy reg sal laat geskied, dat jy liefde en trou sal bewys, dat jy bedagsaam sal lewe voor jou God."

Mag ons saam onderskei wat dit vir ons elkeen beteken in die tyd...

Wilhelm

GROOT LYDENSWEEK EN STASIES VAN DIE KRUIS 

13 – 20 APRIL 2025

Ons leraars het met ons beplanning gevoel dat die Here ons lei om met die Groot Lydensweek vanjaar die stasies van die Kruis te doen. Dit behels 9 stasies waar mense as’t ware op Jesus se voetspore kan loop en stilword, selfonder-soek doen en die dieper betekenis van die Lydensweg van Jesus beleef. Gesinne kan dit ook saam doen en so hulle kinders op ‘n visuele manier blootstel aan wat Jesus vir ons gedoen het.

Ons benodig asb. 9 kleingroepe wat elk vir ‘n stasie se uitbeelding verantwoordelikheid sal neem.

Ons nooi julle of verteenwoordigers van julle groep om Dinsdagaand, 21 Januarie om 18:00, die inligtingsvergadering by die kerk te kom bywoon. Hoewel ons riglyne vir elke stasie sal verskaf word inisiatief ook verwelkom.

Ons benodig ook persone wat tydens die uit-beelding van die stasies ( 14 tot 16 April ) by die kerk kan diens doen.

U is welkom om my of enige van die leraars te kontak.

Michiel